في داخلي قصة غرام مابين همي وضيقتي __ الضيقه والهم عشقو دم الجروح المبطيات
الهم نادى ياغلا انتي العزيزه وغايتي __ والضيقه ردت ياولد وشذالحروف المغريات؟
قال الوفى لي الاساس واكبر دليل لميزتي __ شوفي الهلالي من متى وانا معه الى الممات
قالت حقيقه واضحه وانا بعد لي وقفتي __ كم ليلةٍ سريته في حلك الليالي المظلمات؟
قلت اصبروا يالعاشقين ابي اذاني لكلمتي __ اخوان من لحمٍ ودم؟ ذالعشق اخرته عِدات
ردت الضيقه كفا انسا تكدر فرحتي __ والهم اعلنها علي... مالك دخل واخذ الوصات
دامك عجزت في صحبتك اتركني ويا صحبتي __ ياشيخ انسا الخاينه وقد قيل مافات مات
قلت الصراحه ماعلي منكم وبأشح بفزعتي __ جعل السعاده فالكم واخذو اطيب الامنيات
من شرق ناداني الظلام ومن غرب صاحت غربتي __ وقالوا افا والله وقدرت تنسانا لو بعض لحظات
قلت السموحه يالربع والله ماهي رغبتي __ عيبي عرفت احيا وانا امحي دروس معلمات
يامرحبا ويامرحبا هذي ثمار لعيشتي __ اربع صفاتٍ وحضرو لبيه ياربع صفات
عليكم ابدي ماحصل وأعرض ظروفي وشكوتي __ ابي النصيفه يالربع منكم قبل حل الوفات
راحت وخلتني وانا بادي نهاية قصتي __ بنتٍ خذت من زينها كل العلوم الطيبات
صاحوا في وجهي سوا وانا اسولف رحلتي __ قالوا تبينا ياولد اسكت او خلنا للشتات
قلت الصبر ثم الصبر ثم الصبر ياصحبتي __ تراها دعوى للحكي والا الحقيقه بالخفات
الضيقه والهم والظلام والرابعه ياغربتي __ انتوا بقايا الغاليه .. اسيبكم؟ .. ياهايهات
الأحد يناير 20, 2008 1:30 am